اقدم لكم امثال اماراتيه ..

زائر

اقدم لكم امثال اماراتيه ..

ما يحك جسمك إلا ظفرك..
أن الإنسان لن يفيده في الحياة إلا أهله وأقاربه وعائلته ولا يمكن أن يحل مشاكله إلا بجهده وجهدهم

××------------××

..قلبي على إبني وقلب إبني من حجر مبني..
إن قلب الوالدين حنون وعطوف وقلب الولد قاس ولا يشعر بشعورهم

××------------××

..عنزة البلاد ما تحب إلا التيس الغريب..
والمعنى أن الأشياء المستوردة مرغوبة ومحبوبة أفضل من الأشياء الموجودة داخل البلد

××------------××

..اللي ما يدانيك يخرب معانيك..
والمعنى أن الذي يكرهك ولا يحبك يسعى إلى تخريب سمعتك

××------------××

..مال عمك ما يهمك..
هذا اكيـــد تعرفون معناه ^_^

××------------××

..اللي عوقه في بطنه وين بتيه العافية..
يعني المثل من كان هو سبب مشكلته فكيف يمكنه إصلاحها

××------------××

..هذا طيري يأكل من صحن غيري..
يقال المثل للشخص الذي يهمل أقاربه ولا يعينهم ويعين الآخرين

××------------××

..يوزه ( الجوزة )اذا ماتكسرها ماتاكل اللي فيها..
المعنى انه الشي ما ايي الا بتعب وبجهدك

××------------××

..ما تفوته فايته ولا عصيدة بايته..

××------------××

..ديج وماكل فلفل..
الإنسان الذي يكثر الكلام ولا يُفهم كلامه ولا يسكت متى طلب منه ذلك، فهو كالديك الذي أكل فلفلاً أحمر وظل يصيح طوال اليوم

××------------××

..البقرة تشوف ذيل ربيعتها..
يقال المثل للشخص الذي ينظر إلى عيوب الآخرين وينسى عيوبه

××------------××

..البعد بعد القلوب مب بعد الدروب..

××------------××

..القلب دكان وكل واحد له مكان..

××------------××

..حلي لسانك تلقا الناس خلانك..

××------------××

..اللي لادغنه حنيش يتروع من الحبل..

تحيااااتي للجميع

موضوووع وااااااايد حلوووو

الصراحه يا ريمووه انتي شااده حيلج وااايد

مشكووره اختي على الطرح الجميل

مشكوووره حبوبه

لطرحج للامثال الاماراتيه

يعطيج العافيه

هههههههههههههههههههههههههههههههه

في امثال غريبه

بس مشكوره يا ريمووه

احسن مثل اللي يقول القطو العود ما يتربا خخخخخخخخخخخخخخخخخخخ

ثاااااااااااااااااااااااااااااااااانكس

الصراااااااااحة

امثال وايد حلوووووووووووووة اكيد دامها من هل الامارات فديتنااااااااااااااا lol!