؛¤ّ,¸¸,ّ¤؛°`°؛يــــاويلي من هوى مزاين العوامر ¤؛°`°؛¤ّ,¸¸,ّ¤؛

عنوان القصه : ؛¤ّ,¸¸,ّ¤؛°`°؛يــــاويلي من هوى مزاين العوامر ¤؛°`°؛¤ّ,¸¸,ّ¤؛



وهذا الجزء الاول :

حمد : ياويلي من ذي الحاله يله خلص سهيل النهار راح وانته ما خلصت تقول معرس

سهيل : وشياك مستعيل

حمد : عيد وبغينا نسير على المزاين يله استعيل ولا بروح منك

سهيل : حشكا يا انته قدام وش ني دراجه

حمد : لا وحياتك سايكل

سهيل : ههههههههههههههههه الله ينطبك

حمد : وينطبك قدامي يله

سهيل وهو قدام المرايه : انزين العقال سيده ولا معواي ؟؟

حمد : ايهااااا يا انته ليتني سرت عند محمد وطبيتك ويش بغيبك اروح عندك

سهيل : يا ريال براض علينا

حمد وسهيل عوامر سكنين في زاخر حمد عمره 21 وسهيل عمره 24 ودوم في نقره

حمد : الليله تراني بسوي جريمه العرب تعيد ولا ني قابض في حلقك

سهيل : هههههههههههههههههههه

حمد : ضحكت مضروس قول امين

سهيل : امين للداعين

حمد : عني فارقك عل دعاك ما يخطاك كني من اصبحت امدح عقالك علشان تخلص وانته مطنش لا شوي على طرف انته اصلن ما تنعطى فيس

سهيل : خلاص خلصت رواح

حمد يوم قال سهيل خلصت راح وتم يدبك من الفرحه : لا تشوف خاف شي ناقص

سهيل ما درى ان حمد ناقمه راح وشاف عمره : لا ما شي ناقص

حمد : لا ناقص نحطلك ورده مثل روزلندى الي تتشوفه لطوف ختيه في التلفزون

سهيل : هاهاها بايخه مثل ويهك ني عيب اتشوف عمري ماني مثلك كرتون قشرا

حمد : ههههههه لا ني ما تشوف لني واثق ما يحتاي اتشوف لو اخطف قدام بنات يربعن ورايه علشان ارقمهن ولا يوم شل برموشي تفدين الارض لي

مشي عليها ويش بغي اكثر روووح انته اصلن ما خليت حد ما رقمتها ولا وحده طاعت ترمسك ههههههههههههه

حمد في التقنيه يدرس عقب ما سافر امريكا ورد منها وويه لو تشوف تستحي وتنزل راسك خاف تخونك عيونك وتفضحك قدامه وتنصدم من هول ما

شافت هو اسمر طويل عيونه كبار وبنيات وخشمه منكوس وفيه من بشات العوامر ورحامتهم وسهيل رحيم بس حمد ارحم منه

سهيل : يا ريال .. انزين وين بنسير اليوم ؟؟

حمد : بروح نسلم على يدتيه الي تحت واذا تفككنا منها بسرعه بروح نسلم على عمي سالم

سهيل : علها بلاك كنها تعيبك ودوم تتقلودبك

حمد : ههههههههههه هالقوم اخزل عليك انزين بتخلين خبرك بجدولنا لليوم

سهيل : جدولنا ؟؟؟ ههههههههههه ( عقب سكت لنه نظره من حمد سكتته )

حمد : بروح الطويه والمرخانيه وعقب لوقن وبس

سهيل : بنقول الطويه والمرخانيه لنا حد فيهم لوقن وين بغينا ؟؟؟

حمد : يقولون فيها مزاين وكلها بدو واكثرها عوامر يله ويش بتخسر بنطمش وبنغرم بالبنات وبنرد

سهيل : كن فيها مزاين عند الله وعندها ههههههههههه يله

حمد : ني دريتبه عوقك هههههههههههه

سهيل : يله رواح

راحو حمد وسهيل ودخلو الصاله وكل شي مصفف فيها من الحلوى وغيره ( اكل العيد ) ولقو يدتهم يمنى قاعده وراح يسلمو عليها

حمد : هود هود السلام عليكم

يمنى : مرحباااا مرحبااا يعني فداك مرحبا حمد تعال ني غضبانه عليك انته لازم اول واحد تسلم عليه الحين يوم قده نص النهار يت تسلم عنبو ذي اللاحيه

حمد : هههههههههه وين نص النهار الحين يا امي الساعه 8 ضبط توه النهار بادي وكنه لويش ما سلمت تراني يت ولقيتش تصلين وقلت عقب بسلم

وراح وحبها على راسها

سهيل : حوووه وني مالي رب

يمنى : عني فداك ما شفتك تعال قعد عدالي

سهيل : لا ما بغي حمد ترحبيبه وني لا

يمنى : حمد قومه يروحبي البر ويردني وانته لا تحوط على امات الكشيش خلهن تنفعنك لا انك عرستبهن ولا انك طبيتهن

حمد : هههههههههههههههه اها امي عرفتيله

سهيل : عني فارقك سميك مخوة بوش

حمد وهو كله برأه : ني عند الحق صح امي

يمنى : عني فداك يا حمد انته من طحت ما خربت عني سد شرك

حمد : عني فدى عينش يا امي لا ما خربت قومش انتي مربيتني شي بغي غير ؟؟؟

يمنى : اه اه سميك الا تشابه بوك عني ما ذوق حزنك

سهيل : حوار عاطفي بين العيوز وولدها يله خلصونا بغينا نكشح

يمنى : توقعون الا بتكشحون انته من طحت منك مسمي

وتمو يتيحدون سهيل ويدته وحمد يضحك عليهم

حمد : امي يعني فداش وفدى عينش حنا بروح نسلم على بويه سالم شي في خاطرش ؟؟؟

يمنى : لا عني شل عيالك

حمد وهو يغايض سهيل : هههههههههههههه امين

سهيل : رواح خل منك الخريط

راحو سهيل وحمد وهم يدفرون عاد وانهم يتخازلون

حمد : سهيل بقولك في سيارة من بروح سيارته ولا سيارتك ؟؟

سهيل : لا في سيارته سيرتك خامه

حمد : يا ويلي منك الاستيشن ويش فيها ما فيها كلام الا انته خقاق لويش عند ك بي ام سودى وعليها عاكس سميك خقاق رووووح

سهيل : هههههههههههههه اخزل عليك ما حد يخزل

حمد : لا حد يخزل بس ما دريت لويش خزلتك تشابهك بايخه

سهيل : هههههه عادي اتمدى في الغرور مثلك ترى يتجهله

حمد : ايهاا من يغني حمد ما بيسكت بسك ورانا خط يله طلع سيرتك

سهيل : من عيوني

راح سهيل يطلع السياره وحمد يرمس عمره : يا ويلي من عيونك خلهن الا لك ما بغيهن بن عروه بغاهن

سهيل عقب ما ريوس بالسياره بطل الدريشه وطلع راسه يرمس حمد : هاه ويشاك غرمت ترمس عمرك

حمد : لا كنه فيه عقل وانته عندي ذي النهار كله بيروح ما بيبقى فيه شي

سهيل : ههههههههههه الله يخذك ركب ركب اخرتنا من مزاين الحقن يله

حمد : اقولك نزل ني بسوق

سهيل : والله وفرت اروحي ودي عدل عقالي على المنظره

حمد : علك خرام يدتك

وعقب تلفت ورا علشان يتشوف يدته سمعته ولا لا

سهيل : ههههههههههه غرام يدتيه وين امي منك ليتها عدلك بيمين ما عد تطري يدتك ثاني مره بتذهن

حمد : هههههههههه

نزل سهيل وركب حمد بقعته وحمد يسوق وسهيل مسكين يعدل غترته وعقاله ومتفيشر وحمد يضحك عليه

حمد : ويش عند شريطات حلوات

سهيل : عندي ميحد وبن روغه بس ما استعمل غيرهن

حمد : حليلك هههههههههههه انته ترتوب تعجبني في الشريطات

سهيل : اهاا حيك يوم مدحتني في شي حسب عمري صفر على الشمال

حمد : ههههههههه

عقب ما سيرو على عمهم سالم الي بيته في الطويه راحو المرخانيه وسلم على معارفهم وعقب راحو لوقن دار الحقن

وحمد بغى قد وصل يوم قدهم عند شرطة شعب الغاف

حمد : سهيل ايه ني متصوع لشاهي شي مطعم هني

سهيل : اهاا شي شاهيه غرام

حمد : خيبن زين

وقفو عند المطعم ساعة ما وقفو ياهم الهندي يربع

حمد : سهيل تشوف الهندي بغيت مثله هههههههههههههههههه

سهيل بعد نظره من المنظره وتشوف على حمد ناقمه : عني فارقك الحين ني والهندي تحطنا رباعه ان ما سكتت بنتضارب بذي العقال

حمد : هههههههههههههههه حشى حشى انته كبريت ما حد بيرمسك

بطل حمد الدريشه علشان يرمس الهندي

حمد : يب ثنين شاهي اوكيه

الهندي : زين بابا وراح يربع

حمد : جلدي كروه

حمد يرمس سهيل : تصدق ما شليت تلفوني اغلقته وحطيته في البيت

سهيل : لويش ؟؟؟

حمد : حشى حرقوه حرق من الاتصلات وني ما فيه عليهم بغي روح وسير وقصر الدوب

سهيل : ليتك عطيني تلفونك هههههههههههههه

حمد : لا ما بعطيك يوم بعطيك تلفوني امره بودعه اكيد بتقلطه مثل ذيك المره

سهيل : الا مره وبتحشرني بها

وانتبهو ان الهندي يدق على الدريشه حمد وهو يرمسه

حمد : كم مشانك رفيق ؟

الهندي : اسنين روبيه ( اونه اثنين ربيه )

حمد عطه فلوسه وبخشيش اونها عيديه وخذ الشاهي وراحو

سهيل : الله يسلم عاد لا ينكب الشاهي علينا بسبتك يوم سنة ما تصوع الشيخ حمد

حمد : والله انته ميت ني شربته شاهيه الا انته ساعه علشان تشربه

سهيل : والله ني ما بغي لساني يحترق

حمد : سكت سكت بغينا نستهوى شوي

وطول على ميحد : خذ وردة العمر من فظلك خذها من ايدين مهديها ما زفت لحد من قبلك يا نهر جاري يغذيها

حمد : وووووووووووه عاشو عاشو

سهيل : الله يوصلنا على خير وانته مطيرنا بين السما والارض ومستهوي الله يستر

حمد : ههههههه استهوي شوي يا ريال

سهيل : ههههههه عاشو يله يبس

وتم سهيل ييبس وحمد يشجع

حمد : ايوه اويوه ريس ريس عااااااشو الله لا شلك يا ميحد

سهيل : اهاا وعقب

حمد : ومن شلك رقعبك

سهيل : ههههههههههههههههههههههههههههههه والله انك كسرتيم انته في السوالف

حمد : روووح ني مستهوي الحين روووح ماني متفيق عاش عاش وتم ييبس وطول على المسجل

اثر الهوى ينعش ويهلك فرصة العمر في لياليها

وتمو على ذي الشله كل ساعه واحد ييبس حتى وصلو لوقن

حمد : وين بغيتنا نروح الشعبيه الي تحت ولا الشعبيه الي فوق اليديه

سهيل : لا الي فوق اليديد حبه شديد

حمد : هههههههههههه اوكيه

وسيرو ما خلو بيت في الشعبيه اليديده من بيوت العوامر ما يوه وغرمو بالبنات الي فيه يوم وصلو بيت فيه نخيل ومنعزل من بيوت العوامر راحو له

دخلو السياره داخل الحوش

حمد : هزرك حد هني ولا

سهيل : اكيد حد ويش تشوفني رحيم ولا

حمد : والله انك متفيق ههههههههههه عليه انك ميقه بس نزل

ونزلو وفي الحوش خيمه دخلو وان العرب معيدين في الخيمه ومرتبنها وحاطين فيها من كل شي

حمد : هووووووود هووووود

ودخل سيده الخيمه عده ما سمع هدى

يوم دخل ان بنت عدها ما تغشيت واقفه بتتغش قفت منه وتغشت ورد ت عليه

البنت : هدى مرحبااا الساع قربو

حمد وسهيل : مرحباا شحالش

البنت : بخير علكم الخير قربو بنهم امي

وطلعت وهي تتميل عليها عظمه جنان وشلت عيون سهيل عندها وقلب حمد و سلمت عليهم امها ودخنو وعقب راحو وحمد من طلع من الخيمه وهو يتشوف لها خاف تخطف ويشوفها ...

وعقب راحو وسهيل يسوق

سهيل : وين بها الحين ؟؟؟؟

حمد : العين دخيلك عدني ما غرمت العين

سهيل : افاااا ويشياك ههههههههه

حمد : تعرفه بيت من ذي

سهيل : اهاا بيت فلان بن فلان نفس فخيذتنا

حمد : اهااا والنعم منهم

وطول حمد على : شط الحشى من شطبه والقلب مني صوبه خلي مريح ولا درى لي حل بي ما حل به ....... حل بحشايه يا ملا حب الحبيب واقتلا

والقلب دونه ما سلا شط الفواد وعذبه ...... عذلت قلبي ما صبر عن راعي الطرف الحور يا الي جبينه كالقمر يزهي بشلت حاجبه ....

ذوب فوادي واملكه في وسط غزل شربكه يا ناس ما روم الحقه عوقي غبي من اسببه ..... عوده عويد الشادني مرباه داري ووطني يا ناس حبه

صادني صيد الوحش في مجلبه .... مجبور جبر المبتلي في حب خل العدملي يا لي يلومني لي حل بي ما حل به ....





شو سالفه حمد والغزال الي شافه الي صوابه ؟؟؟

وشو سالفة الغزال هل انه تأثر بحمد مثل ما شل قلب حمد ولا؟؟

وسهيل بعد شو سالفته ؟؟

وهل حمد بيشوف الغزال ثاني مره ؟؟