قصيده من الشيخ احمد لوالده الشيخ محمد بن راشد

القصيده بعنواان (( الله يحفظه )) مهداه للشيخ محمد بن راشد حفظه الله من الشيخ احمد

تحية يا بلاد الخير وهل العز واهل الجود
تحية من صميم القلب والأشعار نهديها
بريح المسك والجوري وريحان ودهن العود
قصايد في معانيها تحليني .. واحليها
تحية من يحب وحبه الطاغي بدون حدود
باشواقه يصبِّحها .. بأشواقه يمسيها
صباح العز يا ديرة تقفَّاها القلوب السود
صباح كل ما يصبح قِرَن اسمه بطاريها
صباح العز يا ديرة جدودي والمقام العود
ورايه ظلها (المكتوم) من يقدر يوطيها

تمايل غصن قلبي كل ما هبت عليه النود
أحس الحب فيها ثم .. يتوزع حواليها
كأن أبراجها عنقود يتنافس مع عنقود
من أجمل لا .. من أطول لا .. من يداعب شواطيها
(دبي) الفاتنة ورث الجدود ولافح البارود
يا كم طارش تمنى شوفها وتقبيل يديها
تسابق دورة الأيام لا صعب ولا محدود
مع ركب الحضارة عم حاضرها وماضيها
ولا قبله ولا بعده ولا غيره أبد موجود
(محمد) واحمد الله عزها وارسى مبانيها
هو الفارس هو الشاعر هو الشامخ هو المحسود
هو اللي لا بغى حاجه يمشيها ..يمشيها
عطاه الله عزم وجزم وافكار وهدف مصيود
ووشخصية يا لين الحين ما تعرف خوافيها

[/center]